Archives mensuelles: mai 2018

Mitaky ny fanajana ary ny fanatanterahana ny didy navoakan'ny fitsarana avo momban'ny lalampanorenana ny avy amin'ny antoko Malagasy Miara-Miainga. Tsy hijanona ny tolona ho an'ny fanovana hoy izy ireo raha tsy miala ny filohampirenena izay nanitsakitsaka ny lalampanorenana.

Tsy hisy ireo mpisavika ny tolona notarihin'ny solombavambahoaaka ho an'ny fanovana ny governemanta vaovao hitsangana eo hoy ny fanehon-kevitr'ireo solombavambahoaka. Tsy olona hanao kolikoly ihany koa fa olona vonona sy mahefa ny asany no hotendrena hoy ireo solombavambahoaka.

Tsy maintsy tontosaina amin’ity taona 2018 ity ary mandritra ny fotoan’ny mainandro, ny fifidianana mialoha ny fotoana hifidianana izay ho Filohan’ny Repoblika araka ny didy navoakan’ny HCC tamin’ny Zoma faha-25 may lasa teo. Midika izany fa tsy maintsy hanana Filohampirenena vaovao ny Malagasy amin’ny faha-25 janoary 2019.

Tsy nivonona ary tsy mivonona ny hanara-dalàna hatrany ampiandohana ka hatramin’izao ora farany itantanany ny firenena izao mihitsy ny Filohampirenena amin’ny familiviliana ny voalazan’ny lalàna sy ny fanaovana hosoka amin’ny datin’andro hamoahana didy ary ny fiheverany ny tenany ho ambonin’ny lalàna.

Modian’ireo mpitondra HVM sy ireo Solombavambahoaka mpanohana ny fitondrana tsy hay sy adika vilana ilay fanapahana laharana faha-18-HCC/D3 tamin’ny Zoma faha-25 may lasa teo amin’ny fanendrena izay ho Praiminisitry ny governemanta iraisana. Hatrany amboalohany ka hatramin’ny farany dia minia mandika lalàna hatrany ny mpitondra HVM.

Tsy azo antoka hamoaka fitsarana tsy mitanila ny firafitry ny fitsarana avo hitsara ny mpanatanteraka na ny haute cours de justice. Izay no nambaran'ny mpahay lalàna sady anatin'ny fahefana mpanao lalàna Hanitra RAZAFIMANANTSOA. Tara loatra ihany koa ny fananganana ity rafitra ity.

Nanatitra requête ho fangatahana fanonganana ireo solombavambahoaka namadika palitao teny amin'ny fitsarana avo momba ny lalàmpanorenana ny solombavambahoaka ho an'ny fanovana niaraka tamin'ny vahoaka mpitolona. Ny ampahany ihany anefa no voahatitra omaly noho ny fandaminana.

Mitaky ny hampitsaharana ireo mpikambana mandrafitra ny Ceni ny praiminisitra teo aloha Omer Beriziky. Tokony hazava ihany koa ny fitsipi-dalao mandritra ny fifidianana ho tanterahina eto amin'ny firenena raha ny nambarany hisorohana ny fiverimberenan'ny krizy.

Nisy fitaomana entana omaly maraina teny amin'ny ministeran'ny fanabeazam-pirenena. Raha ny fanavazan'ny solontenan'ny mpampianatra ao amin'ny FM2F, entam-panjakana kasain'ny tomponandraikitra ao amin'ny ministera ho avoaka ireo, saingy nosakanan'ireto fiombonambe ny mpiasan'ny fanabeazana ho an'ny fanazavana ireto. Fanaovana tantely afa-drakotra ny fananam-panjakana hoy izy ireo no kasain'ny tomponandraikitra atao.

Mazava ny didy navoakan’ny Fitsarana Avo momba ny Lalàmpanorenana tamin’ny Zoma lasa teo fa ny Antoko na Vondrona politika manana Solombavambahoaka voafidy betsaka indrindra tamin’ny fifidianana Solombavambahoaka farany teo no manendry ny Praiminisitra. Kajikajy politika iniana atao ny ankoatra izay.