Archives mensuelles: juillet 2018

Tsy azo itokisana ireo mpisehatra mpikirakira ny fifidianana eto amintsika, isan’izany ny CENI sy ny fitsarana avo momba ny lalampanorenana. Izay no nambaran’ny antoko MONIMA nandritra ny valandresaka ho an’ny mpanao gazety notanterahany androany. Manoloana izany, miantso ny CPA na Conseils des Partis Politiques Africains izy ireo hanara-maso ny fifidianana eto amintsika.

Ambany ny salan’isan’ny vehivavy miditra amin’ny tontolo’ny asa oharina amin’ny lehilahy eto amintsika raha ny fanadihadiana natao. Isan’ny sakana mahatonga izany ny lafiny kolontsaina raha ny nambarn’ireo vehivavy sy toponandraikitra nanaovana fanadihadiana. Maro ny ezaka tokony ho atao raha ny fanazavana nandritry ny fankalazana ny andro iraisam-pirenenan’ny vehivavy Afrikanina 2018.

Raha toa ka efa miomana amin’ny fifidianana ny rehetra, maro amin’ireo hetsika sendikaly no mbola mitohy. Mpiasan’ny fadintserana, minisiteran’ny paositra, minisiteran’ny fanabeazam-pirenena. Isan’ireo nanao fietsiketsehana ihany koa androany ny tetsy amin’ny ENS Ampefiloha.

Vaovaon’ny fampianarana, tsy nisy ny fanadinana hoan’ny telo volana faran’ity taom-pampianarana ity hoan’ny sekolim-panjakana maro eto andrenivohitra. Araka ny fanazavana, ny fitambaran’ny naoty tamin’ny 3 volana voalohany sy faharoa no hanapaka ny fisondrotana kilasy na tsia ho an’ireo mpianatra.

Ny mikasika ny parapente na ny elon’aina, indray no ho entina aminao manaraka ato anatin’ity fanadihadiana ity. Voasokajy ho sport extrême ny parapente. Fanatanjahantena miaro fialamboly izay efa manomboka mahaliana ny Malagasy.

Nanao hetsika ireo mponina ao amin'ny fokontany Antanety Kaominina Bemasoandro Itaosy nohon'ny fananganana Pylône ao an-toerana. Efa nisy ny taratasy fangatahana fanatsaharana ny asa avy anivon'nny kaominina, saingy mbola mitohy ny asa hatramin’izao.

Samy voasolotena avokoa ireo mpikambana tamin'ny kaominina miisa 64 ao amin'ny distrika 4 Faritra Amoron'i Mania nandritran'ny fihaonambem-paritra ny antoko Malagasy Miara Miainga notanterahina tao Ambositra omaly Zoma faha- 27 jolay.

Tsy namaly ny antson’ny HFI na ny Hetsika hoan’ny Fanorenana Ifotony ny vahoakan’Antananarivo androany. Vitsy ny olona tonga nanotrona ny fihetsiketsehana nokasain’izy ireo atao teny amin’ny lapan’ny tanànan’Antananarivo.

Mazava izany izao, fa hirotsaka ho kandidà Filohampirenena i RAJAONARIMAMPIANINA Hery. Nametra-pialana tsy ho filoha nasionalin’ny antoko HVM omaly Zoma faha- 27 jolay i RAKOTOVAO Rivo.

Ankehitriny, efa afaka mamokatra kininina hybride ny orinasa Fanalamaga. Ao anatin'ny 6 taona dia azo trandrahina. 700 ha no voavoly hatreto. Tonga nijery ifotony tany an-toerana ny minisiteran'ny tontolo iainana sy ny ala, nijery akaiky ny fikarakarana sy fitrandrahana ny ala izay sahanin'ity orinasa fanalamanga ity.