Archives quotidiennes: 6 juillet 2018

Mihazakazaka ny fanotofana tany ato anatin'ny kaominina Antananarivo Renivohitra. Tao amin'ny Fokontany Saropody ao Androndra kely, miasa amin'ny alina ireo mpanototra, tsy fantatra hatreto ny tompon'ny tany.

Mbola mitohy ny fitarainana sy ny fanamarihana mahakasika ny fampiharana ny PSE na ny teti-pivoarana hoan'ny fampianarana. Isan'ny olana goavana ny fiitaran'ny programam-pampianarana izay nampitombo ny saram-pampianarana aloa sy ny havizanan'ny mpianatra.

Nirefotra ny Bomba mandatsa-dranomaso teny amin'ny ministeran'ny fanabeazam-pirenena ny andron’ny Alakamisy faha-5 jolay nandritra ny fitakian'ireo mpanabe sy mpiasan'ny ministera. Ankilan'izay nafana ny hetsika fitakiana sendikaly teny amin'ny ministeran'ny fitsarana niarahan'ireo sendika maro be izany.

Mitaraina ny mponina ao amin’ny Kaomininan’i Malaimbandy manoloana ny firongatry ny fakana olona an-keriny na “kidnapping” any an-toerana amin’izao fotoana izao. Tao anatin’ny 29 andro dia efa nahatratra 9 ireo olona nisy naka an-keriny. Miraviravy Tanana ihany koa ny mpitandro ny filaminana any an-toerana manoloana izany.