Archives mensuelles: juillet 2018

Tsy misy ny fiverina amin'ny asa raha tsy mivaly ny fitakiana, hoy ireo mpiasam-panjakana maro ao anatin'ny sendika. Misy ny vahaolana fa ny fahavononana avy amin'ny fitondram-panjakana no tsy misy raha ny fanazavan'izy ireo hatrany.

Noho ny ezaka lehibe nataon’ny Antoko Malagasy Miara-Miainga dia noeken’ny mpikambana ao amin’ny komity mpanatanteraky ny “Internationale Démocrate Centriste” ny Antoko Malagasy Miara-Miainga nanomboka ny faha-29 jona lasa teo.

Niha lalim-paka ny fahantrana amin'ny isan-tokantrano raha ny fanadihadiana natao tamin'ity androany. Ny vahoaka tsy mandady harona no mijinja ny vokatry ny tsy fananan'ny mpitondra fanjakana politika maty paika.

4-bolana mialoha ny hiatrehana ny fifidianana Filohampirenena fihodinana voalohany mialoha ny fotoana dia maro ireo Antoko politika sy fiarahamonim-pirenena ny mangataka ny mangarahara tanteraka amin’ny fikarakaran’ny CENI io fifidianana io. Santionany amin’izany ny amin’ireo olona notendren’ny CENI ho mpikambana eny anivon’ny ratsamangaikany.

Nisy ny hetsika fizarana arendrina sy kilalao nataon'ny Tanora Malagasy Miara-miainga Mahajanga tamin'ity volana ity, tafiditra tao anatin'ny fankalazana ny fahaleovantena hatrany. Maro ireo ankizy nisitraka izany tany an-toerana

Nanamafy ny maha iray tsy mivaky azy sy ny fitohizan'ny tolona ny mpampianatra mivondroana eo anivon'ny mandatehezan'ny fanabeazam-pirenena. Araka ny fanazavana, fampisaraham-bazana ny mpampianatra sy famonoana afo ny fitakiana ny resaka voizina fa miverina ny fampianarana.

Tsy fantatra mazava ny tena hevitry ny antoko politika TIM mahakasika ny datim-pifidianana sy ny fanatantehina ny fifidianana eto amintsika. Nivantana ny Sabotsy lasa teo ny fanehoan-kevitr’i Hanitra RAZAFIMANATSOA fa mbola maro ny lafin-javatra mila vahana mialohan'ny hirosoana amin'ny fifidianana. Androany, nilaza ny filohan'ny Antoko politika TIM fa tsy misy olana aminy ny datim-pifidianana.

Nitrangana lozam-pifamoivoizana io maraina io tao Andranomena, Kaominina Imerintsiatosika, teny amin'ny lalam-pirenena voalohany . 4 no maty vokatr'izay, maherin'ny 40 no naratra. Isany namoy ny ainy ny mpamily ilay fiara be mpitatitra. Ialana tsiny ety am-piandohana raha toa ka misy sary mety anafitohana ny mpijery ato anatin'ny fanadihadihana.