Archives quotidiennes: 17 août 2018
Session spéciale CEPE : tanterahina ny 28 Aogositra
Raha toa ka efa nisy ivontoeram-panadinana efa namoaka ny valim-panadinana CEPE androany, ivotoeram-panadinana miisa 15 kosa no hanantanteraka famerenam-panadinana ny faha-28 Aogositra izao. Mitohy kosa ny fanadihadiana momba ny antony tsy nahatanteraka ny fanandinana tany amin’ireo ivotoeram-panadinana miisa 15 ireo.
Fifidianana Filohampirenena : ho kandidà i RAJAONARIMAMPIANINA Hery
Hatramin’ny 4 ora tolakandro tamin’ny omaly, antontan-taratsy firotsahan-kofidiana miisa 13 no tonga etsy amin’ny foibe toeran’ny HCC etsy Ambohidahy. Nilaza i Rivo Rakotovao Filohan’ny Antenimerandoholonana omaly fa hirotsaka ho kandidà ny Filoha RAJAONARIMAMPIANINA Hery.
Lisi-pifidianana : miandry ny fiverenany eny anivon’ny fokontany ny vahoaka
Efa vonona tanteraka amin'ny firosoana amin'ny fifidianana ny vahoaka eny anivon'ny fokontany amin'izao fotoana izao saingy mbola mitebiteby ny amin'ny mety tsy hahatafiditra ny anaran'izy ireo any anaty lisi-pifidianana taorian'ilay fanamarihana ny anarana tamin'ny farany teo.
« Déchets Radioactifs » : hasiana toerana fanangonana manokana
Noresahina nandritra ny filan-kevitry ny minisitry tamin’ny Talata faha-14 aogositra lasa teo fa hasiana toerana manokanana hanangonana azy ny « Déchets Radioactifs » eto Madagasikara. Tranga izay niteraka fanontaniana maro tamin’ny mpanara-baovao.