Archives quotidiennes: 15 septembre 2018

Naneho ny fahavononany hanajana sy hapanjaka ny demokrasia ny filoha mpanorina ny IEM Andry RAJOELINA raha izy no safidian'ny vahoaka hitantana an'i Madagasikara mandritra ny 5 taona manaraka. Izay no nivoitra nandritra ny fifanakalozan-kevitra niarahany tamin'ny l’Association Sciences pô pour l’Afrique notanterahina tany Paris.

Tsy hisy fiantraikany amin’ny lisi-pifidianana sy ny fanatanterahana ny fifidianana filohampirenena ho avy izao ny fanarahamaso sy ny fitsirihana ataon’ny OIF eto madagasikara. Araka ny lalàna, ny faha-15 aprily lasa teo no efa nikatona ny lisi-pifidianana. Tsy misy azo kitihina intsony ny momba ny lisi-pifidianana taorian’izay raha ny fanazavana.

Fifanekem-piaraha miasa miisa 4 no vokatry ny dian’ny Filohampirenena teo aloha RAJAONARIMAMPIANINA Hery tany Chine nandritra ny fihaonana Chine - Afrique, izay nitondrana delegasiona marobe. Fifanekem-piaraha miasa izay nosiniavina andro vitsy monja mialohan’ny fotoana tsy maintsy nametraham-pialana.

Nampahafantarina androany ny tetikasa USAID Hay Tao sy ny USAID Mikajy hanampy amin’ny fiarovana ny zavaboahary sy ny fandrindrana ary ny fampandrosoana ny vondron’olona eny ifotony eto Madagasikara. Aharitra 5 taona ny tetikasa ka faritra 2 tandindonindoza amin’ny fahasimban’ny valanjavaboahary no anombohana izany raha ny fanazavana.