Archives mensuelles: octobre 2018

Namoaka fanambarana momba ny fizotran’ny raharaham-pifidianana eto Madagasikara ny masoivoho Amerikana, yamin’ny alalàn’ny mpiraiki-draharahan’ny Stuart Wilson androany taorian’ny fihaonan’ity mpiraki-draharaha Amerikana ity tamin’ny Filoha mpisolo-toerana RAKOTOVAO Rivo.

Faha3 mialohan’ny farany ny toeran’i Madagasikara amin’ny maridrefin’ny hanoanana izay navokoan’ny GHI na ny Global hunger index ny faran’ny herinandro teo. Tamin’ny firenena 119 nanaovana fanadihadiana, eo amin’ny laharana faha 116 no misy antsika araka io tatitra io.

Herinandro mialoha ny fifidianana. Dodona amin’ny fandraisana ny kara-pifidianana eny anivon’ny fokotany ireo olompirenena na misy aza ireo komity eny anivon’ny fokontany manatanteraka ny fizarana isan-tokantrano. Misy lanjany ny vato iray arotsaka amin’ny fifidianana hoy ireo olompirenena sendra ny mpanao gazety androany. Efa misy ihany koa ankilany ny fepetra noraisain’ny eo anivon’ny CENI manoloana ny fanana kara-pifidianana 2 na mihoatra.

Ahian’ny mpanara baovao ho mpiray tsikombakomba amin’ny famoahana taratasy fahazoan-dalàna hanorina ny kaominina Antananarivo renivohitra. Tsy nisy ny fepetra noraisin’ny kaominina manoloana ny fampandrenesana maro momba ny fanorenanana tsy ara-dalàna. Tsikaritry ny mpanao gazetin’ny kolo tv androany ny fampiasana fahaozan-dalàna hosoka etsy Ambohjatovo Ambony.

Nandamoaka ny fiantsoana olona hidina an-dalambe hanemorana na hanafoanana fifidianana nokonokomonin’ireo kandidà ny zoma lasa teo. Mazava ny resaka, ny fanatanterahana fifidianana Filohampirenena amin’ny faha-7 novambra ho avy izao, no safidin’ny ankamaroan’ny Olompirenena Malagasy. Tampina nydaomy. Inona indray no hambaran’ireo matahotra fitsaram-bahoaka amin’ny alalàn’ny fifidianana ireo?

Misy fomba fiasa tsy mety ary mifanilika andraikitra ny SAMVA sy ny ministeran'ny rano ny fidiovana sy ny fanadiovana hoy ny Praiminisitra lehiben'ny governemanta, na dia efa samy nomena baiko hanala ireo fako miparitaka eto Antananarivo renivohitra. Dabam-pako amin'ny faritra maro no tsy misy maka ao anatin'ny 2 na 3 volana.

Manankarena amin'ny zava-maniry isika eto madagasikara indrindra fa ny raokandro. Efa vitsy amin'ny Malagasy anefa ny mahafantatra ny raokandro ankehitriny izay isan'ny fampiasan'ny ntaolo ho enti mitsabo ny aretina maro samy hafa.

Eo amin’ny sehatry ny fanatontoloana indray. Tato anatin’ny fotoana fohy, nanjary sehatra iparitahan’ny fanehoan-kevitra tsy etika sy tsy mety amin’ny fiarahamonina ny tambazotra sosialy noho ny tsy fahafehezana azy. Zava-dehibe araka izany ny fianarana sy ny ffifehezana ny fikirakirana ireny tambazotra ireny hiteraka vokatra tsara eo anivon’ny fiarahamonina

Tsy tokony rohitina hanemorana ny fifidianana ny tsy fahatomombanana tsikaritra nandritra ny AUDIT nataon’ny OIF teto Madagasikara hoy ny filohan’ny CENI. Azo ampiasana hanatanterahana ny fifidianana ny lisitra sy ny lalàna mifehy izany raha ny fanazavana. Nanamafy ny tokony hirosoana amin’ny fifidianana ihany koa ireo mpisehatra samihafa.

Misesy ny fanehoan-kevitra manoloana ny tsy fankasitrahana ny fikasana kandida vitsivitsy hanemotra fifidianana. Solombavambahoaka avy amin’ny faritra samihafa manerana ny nosy no manamafy fa tsy maintsy hirosoana ny fifidianana amin’ny faha7 novambra izao. Tahotra fifidianana ny an’ireo kandida mitady hanakorontana ny zotra-mpifidianana hoy izy ireo.