samedi 23 novembre 2019
Accueil 2019

Archives annuelles: 2019

video

Fifidianana kaominaly : nahazo famatsiam-bola

6 andro sisa higadona ny androm-pifidianana Ben'ny tanàna sy mpanolotsaina manerana an'i Madagasikara. Mioso ny fanomanana rehetra amin'izao fotoana izao, nahazo fanampiana ara-bola avy amin'ny fanjakana Norvezianina entina hikarakarana ity fifidianana ity ny vaomiera mahaleotena misahana ny fifidianana amin'ny alalann'y tetik'asa SACEM.
video

Mpandrefy tany : 38 ireo nanao fianianana androany

Géomètre 38 no nanantontosa fianianana teny amin’ny Cours d’appel Anosy androany, rehefa avy nanaraka fiofanana sy fianarana nandritra ny 2 taona. Mandray avy hatrany ny asana géomètre expert izy ireo manomboka izao. Etsy ankilany, nitsodrano azy ireo ahavita ny asa hiandreketina ny teo anivon’ny Minisiteran’ny fanajariana ny tany, ny toeram-ponenana ary ny asa vaventy androany.
video

Fandianiam-bola ho an’ny mpiasam-panjakana- LFI 2020: nahitana fitomboany 14,4%

Nisy fitomboana 14,4% ny tetibola natokana ho an’ny Fandianiam-bola ho an’ny mpiasam-panjakana raha oharina ny LFI 2019, araky ny voarakitra anatin’ny tetibolam-panjakana 2020. Isany anton’io ny fitombon’ny karaman’ny mpiasam-panjakana sy ny fitomboan’ny isan’ireo ho ampidirina mpiasam-panjakana.
video

Maroantsetra : efa milamina ny toe-draharaha

Nisehoana korontana tany Maroantsetra nohon'ny fahatapahan'ny herinaratra nandritra lalao nihaonan'ny Barea de Madagascar sy Niger. Nisy nandoro noho izany ny ampahan'ny biraon'ny jirama tany an-toerana. Efa niverina amin'ny laonina ny herinaratra any an-toerana, toy izany koa ny filaminana.
video

Andro iraisam-pirenena ho an’ny ankizy : teny amin’ny Antenimiera ireo solontenan’ny ankizy

Ho fanamarihana ny andro iraisam-pirenena ho an’ny ankizy androany, nisy ny adi-hevitra nampitondraina ny lohanteny DEMOKR’ANKIZY teny amin’ny Antenimierampirenena Tsimbazaza. Ankizy miisa 151 solontenan’ny ankizy Malagasy manerana ny Nosy no naneho ny heviny mahakasika loha-hevitra maro naka ny toeran’ireo Solombavmbahoaka.
video

Fangatahana fahazoan-dalana hanorina trano : mandalo dingana maro

Ny mikasika ireo dingana arahana ny amin’ny fangatahana « Permis de construire » na ny fahazoan-dalana hanorina trano no hisantarantsika ny pejin’ny «  Fantaro » ato anatin’ny fampalalam-baovao. Entina ato anatin’ny fanadihadiana ny mikasika ny antonta-taratasy ilaina, ny lalana hizoran’izany mialohan’ny fivoahan’ny fahazoan-dalana na tsia, ny lela-vola miasa anatin’izay. Araho ary ny mikasika izay.
video

RN1 : hisy lalana vaovao amin’ny alalàn’ny tetikasa « Lalana Be Mikodana »

Hisy lalana vaovao ho tontosaina amin’iny Lalampirenena voalohany, mampifandray an’ Andavamamba, Route-Digue, Andranonahoatra, Fenoarivo, Bretelle. Anatin’ny famolavolana ity tetikasa « Lalana Be Mikodana » ity ny eo anivon’ny MAHTP amin’izao fotoana izao. Hamaliana ny filan’ny mponina sy hitondrana vahaolana manoloana ny fitohanan’ny fifamoivoizana no tanjona amin’izany.
video

Fitakiana ny Nosy Malagasy : ilaina ny fiaraha-mientan’ny rehetra

Fotoana iray ilana ny firaisankinan'ny Malagasy tsy vaky volo ankehitriny ny fitakiana ireo Nosy Malagasy. Tsy tokony hisy ny fifanenjehana fa ny fiaraha-mientan'ny rehetra no ilaina raha ny nambaran'ny teo anivon'ny CFM.
video

SECES : tsy afa-po tamin’ny fifampiresahana ireo mpikambana

Niroso tamin'ny fifampiresahana teo amin'ireo mpampianatra mivondrona eo anivon’ny SECES manerana ny Nosy ny ministera tompon'andraikitra omaly ariva, tsy afa-po tamin'ny fifampiresahana ny mpikambana SECES manerana ireo oniversitia eto Madagasikara. Mbola miato ny fampianarana.
video

Madagasikara maitso : nanolotra 50 Tapitrisa Ariary ny Masoivoho Sinoa

Nanolotra 50 Tapitrisa Ariary ho fanampiana ny fananganana Pepinière eny amin'ny Kianjan'ny Soamandrakizay ny Masoivoho Sinoa, monina sy miasa eto Madagasikara. Tolo-tanana amin'ny fitondram-panjakana hahatratra ny tanjona amin'ny fambolen-kazo ary hahatonga an'i Madagasikara ho Nosy Maitso.