Archives quotidiennes: 25 février 2019
Ala Mikea : hentitra ny fepetra raisina amin’ny fiarovana
Fifanomeza-tanana amin’ny fiarovana ny tontolo iainana no fehezanteny nentin’ny Minisitra Alendre Georget nandresen-dahatra ny mponina mipetraka manodidina ny ala mikea. 8 metatra toradroa isa-minitra ny velaran-tany may isanandro ao anat'ity ala mikea ity nandritra ny taona 2018 noho ny tsindry avy amin’ny doro-tanety. Ho hentitra ny fepetra raisina akoatry ny efa nisy hatramin'izay hoy ny minisitra.
Ady amin’ny kolikoly : laharapahamehana ao anatin’ny politikam-panjakana
Manoloana ny tatitra nivoaka ny herinandro teo mikasika ny kolikoly eto Madagasikara, nanamafy ny minisitry ny fitsarana fa efa isany laharapahamehana ao anatin’ny politikam-panjakana izany . Etsy ankilany, hojerena manokana raha ny fanazavana ny fanasaziana ireo lohandohany amin’ny fanondranana harena an-kibon’ny tany an-tsokosoko.
HERY NIRINA Tendry Elie sy VONJY NOMENJANAHARY Fabrice Elina : niakatra teto an-drenivohitra naka ny loka
Mikasika ny lalaon’ny fetin’ny mpifankatia kosa indray, omaly no tonga naka ny lokan’izy ireo ilay mpifankatia nandresy tamin’ny lalao nokarakarain’ny Kolotv/fm. Afa-po izy roa kely araka ny tafatafa natao tamin’izy ireo.
Ady amin’ny tsy fandriampahalemana eto Madagasikara : saika nahazoana vokatra avokoa ny faritra rehetra
Fahatratrarana mpitandro ny filaminana ahiana amin'ny raharaha kolikoly, fisamborana ireo tomponantoka amin'ny asa fakana an-keriny, fahatratrarana basy sy jilolahy maro isan-karazany; ireo no isan'ny nanamarika ny vokatry ny ady amin'ny tsy fandriampahalemana tao anatin'ny 3 herinandro ho an'ny volana febroary teto Madagasikara raha ny tatitry ny polisim-pirenena. Hetsika izay mitohy hatrany ho fanatanterahana ny politikam-panjakana hiadiana amin'ny tsy fandriampahalemana.