Archives mensuelles: mars 2019

Hampanarahana ny teknolojia ny teknika fambolena amin’ireo toerana saro-dalana. Hamafisina ny fanentanana ny olompirenena manerana ny nosy hahatsapa ny lanjan’ny famboen-kazo. Hitadiavana vahaolana ihany koa ireo loharano mandripaka ny ala mifandraika amin’ny filan’ny mponina. Izay no nivoitra nandritra ny fandraisam-pitenenan’ny filohan’ny repoblika nandritra ny fanokafana ny taom-pambolenkazo 2019-2020.

Nanao fihetsiketsehana niainga teo mamasina nihazo ny lalam-pirenena faha fito tamin'ity andraony ity ny fikambanamben'ny mpampianatra mamily fiara eto Madagasikara. Takian'izy ireo ny famerenana ny permis rose mandrapahintana vahaolana amin'ny pérmis Biometrique.

Fepetra maro no noraisin'ny fitondram-panjakana araky ny nivoaka tamin'ny filankevitry ny minisitra omaly. Isan'izany ny lafiny fambolen-kazo. Mikasika ny fanendrena sy fanesorana tomponandraikitra kosa, nofoanana ny didimpanjakana manendry ny filohan'ny filankevimpitantanan'ny orinasa JIRAMA.

Mizotra araka ny tokony ho izy ny fanonerana ho an’ireo tompon’ny tany voakasiky ny fanotofana amin’ny fanamboarana ny ROCADE EST. Antontan-taratasy manodidina ny 81 no efa tonga eny anivon’ny tahirim-bolam-panjakana raha ny fanazavana. Miandry ny famenoana ny antontan-taratasy kosa ny ambiny hoy ny sampandraharana misahana ny fananan-tany.

Tsy mbola tapaka ny filazana fahazoan’olontsotra zaridainan’Ankorondrano. Mifanohitra amin’ny lalàna 62-023 momba ny « expropriation pour cause d’utilité publique » ny didim-pitsarana manery ny fanjakana malagasy hamerina ny tany amin’ny tompony hoy ny sampandraharaha misahana ny fananan-tany.