Archives mensuelles: avril 2019

Nifantoka tamin’ny fanamboarana ny lalana miditra ny Lycée Technique Professionnelle Ampasampito ny Tagnamaro ho an’ny Ministeran’ny fanajariana ny tany, ny toeram-ponenena sy ny asa vaventy. Lalana izay efa tsy nahitam-panavaozana an-taonany maro hoy ny Tomponandraikitry ny sekoly.

Lehilahy ny 5 % n’ireo iharan’ny herisetra ara-batana eto Madagasikara. Vitsy ankilany ireo mahasahy mitorok’izany noho ny antony maro. Ialany tsiny sahady ho an’ireo izay mety ho tohina amin’ny sary anatin’ity fanadihadiana ity.

Nosokafana androany ny fankalazana ny faha-130 taonan’ny ivotoerana IOGA Antananarivo. Ity ivotoerana ity izay mandinika ny momban’ny eny amin’ny abakabaka, ny ety ambonin’ny tany ary ny any amban’ny tany. Nomarihana tamin’ny alalan’ny fanomezana marim-pankasitrahana ireo mpianatra solon-tenan’ny Afrika tsirairay niofana teo Madagasikara ny fankalazana.

Hahazo vatsim-pianarana mankany ivelany manomboka izao ireo mpianatra eny anivon'ny liseam-panjakana. Izay no isan'ny vokatry ny fifanaovan-tsoniam-piaraha-miasa teo amin'ny ministeran'ny fanabeazam-pirenena, fampianarana teknika ary fanofanana araka asa sy ireo mpiara miombon'antoka androany teny Anosy.

Taorian’ny famoahan-kevitra nataon’ny Fitsarana Avo momba ny Lalàmpanorenana mahakasika ny fitsapa-kevi-bahoaka iny dia sambany teo amin’ny tantaran’i Madagasikara no nisy Filohan’ny Repoblika nanajà tsy misy fiambahambana ny fisaraham-pahefana na « Séparation des pouvoirs ». Miandry ny fitsanganan’ny Antenimierampirenena izany ny fanaovana fitsapa-kevi-bahoaka.

Nampahafantarina tamin’ny fomba ofisialy androany ny fanombohan’ny ady amin’ny herisetra miankina amin’ny saranga. Hiompana betsaka amin’ny famolavolana lalàna vaovao sy ny fametrahana fitsarana manokana miady amin’ny herisetra izany, hoy ny vadin’ny filohan’ny repoblika no sady masoivohon’ny FNUAP.

Namoaka ny heviny io hariva io ny Fitsarana Avo momba ny Lalampanorenana mahakasika ny didim-panjakana nanainga ny mpifidy hiatrika fitsapa-kevi-bahoaka amin’ny Alatsinainy faha-27 may ho avy izao.

Miharatsy ny toerana misy an'i Madagasikara raha ny "Détention Provisoire" na fitazonana vonjimaika any am-ponja no resahana. Mihoatra ny fahafahana mandray ny isan'ireo voatazona any am-ponja ka mahatonga fanitsakitsahana ny zon'olombelona, hoy ny Amnesty International.

Tany misy fanorenana tsy ara-dalàna teny Alarobia, no nanaovan'ny teo anivon'ny minisiteran'ny fanajariana ny tany, ny toeram-ponenana sy ny asa vaventy fitsirihana androany. Tomponandraikitra eto amin'ny firenena amin'izao fotoana araka ny angom-baovao no tompon'ny fotodrafitr'asa eo amin'ny tany.

Taorian'ny fanapahan-kevitra noraisin'ny filohan'ny repoblika sy ny paikady napetrak'ireo tomponandraikitra isan-tokony, nihena ny tahan'ny asa ratsy eto Antananarivo renivohitra sy ny manodidina raha ny fanadihadiana natao. Na izany aza, mbola maro ireo tranga miseho eny anivon'ny fiarahamonina ka angatahana ny fiaraha-miasa amin'ny rehetra.