Archives quotidiennes: 29 mai 2019

Filanjana sora-baventy no nanehoan'ireo mpivarotra Analakely ny tsy fankasitrahan'izy ireo ny antsojay mahazo azy sy ny fandrahonana ataon'ny tomponandrikitra misahana ny fanorenana ny tsena tsy ara-dalàna eny an-toerana. Manao antso avo ireo mpivarotra mba hisian'ny fijerevana akaiky ny fampihorohoroana sy ny fanesorana azy ireo.

Ao anatin'ny fikirakirana ny voka-pifidianana tanteraka ankehitriny ny eo anivon'ny SRMV manerana ny Nosy. Izy ireo izay manangona sy manamarina ny kajy ao anatin'ny fitanana an-tsoratry ny latsa-bato. Tsy manana fahefana anefa ity farany amin'ny fanovana ireo izay kajy mety misy fahadisoana.

Ho vitaina mialohan'ny volana jiona ny "Plan Emergence Madagascar" hahafahana mametraka fampandrosoana marina eto Madagasikara. Mandray anjara amin'ny fandrafetana izany ny tomponandraikitra eo anivon'ny ministera, fikambanana tsy miankina sy ireo mpiara-miombonantoka amin'i Madagasikara.

Eo amin’ny tontolo ara-diplomasia. Any Paris amin’izao ny filohan’ny repoblika Andry Rajoelina . Rahampitso no hihaona amin’ny filoha Frantsay Emmanuel Macron ny tenany . Fifampiresahana maro no fantatra fa votoatin’ny diany any an-toerana.