Archives quotidiennes: 26 juin 2019

Nandefa taratasy fiarahabana ho an'ny filohan'ny repoblika sy ny vahoaka Malagasy tsy vakivolo ny filoha Frantsay, Emmanuel MACRON, sy ny Filoha Amerikana Donald Trump amin'izao fankalazana ny faha-59 taona niverenan'ny fahaleovan-tena izao. Nanamafy ny hanamafisana ny fiaraha-miasa eo amin'ny firenena Amerikana sy Frantsay ireto farany, araka ny taratasy nalefan'izy ireo.

Nozaraina vary , menaka, akoho ny mpiasa rehetra eo anivon'ny minisiteran'ny fanajariana ny tany, ny toeram-ponenana ary ny asa vaventy eto andrenivohitra sy ny tany amin'ny faritra, ary ny ekipan'ny Maki de Madagascar tamin'ity androany ity, manoloana ny fankalazana ny fiverenan'ny fetin'ny fahaleovantena.

Ankalazaina amin’ny fomba manetriketrika rahampitso ny faha-59 niverenan’ny fahaleovantenam-pirenena. Malagasy aho, tia ny tanindrazako, tia fandrosoana no lohahevitra nosafidiana manokana hanamarihana izany.

Nanamafy ny sekreteram-panjakana miadidy ny zandarmaria fa tsy ekena intsony ny fipariahan'ny fitaovam-piadiana maro samihafa, sy ny fitondrantena tsy mendrika ary ny kolikoly misy eo amin'ny zandarmariam-pirenena. Entina hanamafisana ny fanarahamason'ny fitaovam-piadiana arak'izany, hisy ny fananganana komity mpanaramaso.