lundi 14 octobre 2019

Archives quotidiennes: 26 juillet 2019

video

Tohana ara-tsakafo : hampitomboina ny mpisitraka

Ny 9 % n’ny mpianatra anivon’ny ambaratonga fototra no misitraka ny tohana ara-tsakafo any an-tsekoly ankehitriny. Tsara ny vokatry ny tetikasa araka ny tombana natao ka anatin’ny ezaka ho fampitomboana ireo mpahazo tombony ny minisiteran’ny fanabeazam-pirenena sy ny mpiara miombon’antoka.
video

Fenoarivobe Tsiroanomandidy : manjaka ny halatr’omby

Mandry tsy lavo loha ireo mponina any amin'ny distrikan'i Fenoarivobe ankehittriny, omby miisa 40 indray no lasan'ny ahalo ka hanaovan'izy ieo antso avo mba hanampiana ireo mpitandro filaminana any an-toerana hamongotra ny asan-dahalo.
video

Governemanta vaovao : fanohizana ny asa

Governemanta hanohy ny asa. Governemanta hanatanteraka ny velirano sy ny vinan’ny Filoham-pirenena, izay no fahitan’ny mpanara-baovao ny fanendrena ireo mpikambana handrafitra ny governemanta. Minisitra iray no nisolo, Solombavambahoaka roa no naverina tamin’ny toerany.
video

Mpivarotra eny amin’ny tsena Anosibe : tsy manaiky ny tsindry hazolena ataon’ny kaominina

Tsy hanaiky hatramin'ny farany ny tsindry hazolena ataon'ny kaominina Antananarivo renivohitra manoloana ny fanorenana tsena ao amin'ny parking tsena Anosibe ireo mpivarotra. Fanorenana izay natao ho an'ny tombotsoan'ny olom- bitsy raha ny fanazavana azo.
video

Fivoriana momban’ny Tetikasa TATOM: nifarana androany

Nifarana androany tetsy Anosy ny fivoriana nentina namolavola ny drafi-panajariana an’Antananarivo sy Toamasina sy ny drafi-pampandrosoana ny lalana Antananarivo Toamasina. Ny tetikasa no mifarana fa ny asa vao manomboka, raha ny fanazavan’ny minisitry ny fanajariana ny tany, ny asa vaventy ary ny toeram-ponenana. Asa izay mifanaraka tanteraka amin’ny vina napetraky ny Filohan’ny repoblika.