Archives mensuelles: juillet 2019

Nankatoavin'ny Filan-kevim-pitantanan’ny Tahirim-bola iraisam-pirenenena omaly ny famaranana ny fanadihadiana faha-dimin'ny fandaharan’asa « Facilité Elargie de Crédit » na FEC ho an'i Madagasikara. Misitraka avy hatrany famatsiambola mitentina 43,4 tapitrisa dolara i Madagasikara.

Asan'ny fitondram-panjakana amin'ny alalan'ny MAHTP avokoa ireo fanamboaran-dalana mandeha eto Antananarivo amin'izao fotoana. Hisy fanatsarana ny fomba fiasa eo ihany koa ny fandinihana ny Fond d'Entretien Routier ho lasa FR. Ankilany efa maro ihany koa amin'izao fotoana izao ny asa fanamboara efa miainga any amin'ny faritra.

Nofaranana tamin'ny fomba ofisialy androany teny Anosy ny "Education tour" karakaraian'ny Ministeran'ny fanabeazam-pirenana , fampianarana teknika sy fanofanana araka asa. Tanjona lehibe tao anatin'ny fifaninana ny hamporisihana ireo mpianatra avy eny anivon'ny CEG sy Lycée mba hanaraka sy hankafy ny taranja siantifika

Fokontany 4 eny Soanierana sy ny manodidina ankehitriny no mitondra faisana vokatry ny fahapotehan’ny ampahan-dalana eny antoerana. Nitazam-potsiny ny kaominina Antananarivo manoloana ny antso natao nandritra ny 8 volana hoy ny sefo fokontany eny Soanierana.

Fanamby lehibe apetraky ny eo anivon'ny minisiteran'ny fanajaraiana ny tany, ny toeram-ponenana sy ny asa vanenty ny tsy fanekena ny gaboraraka sy ny fandanindaniam-poana ny volam-panjakana. Nitondran'ny ministera fanazavana ihany koa ny mahakasika ny raharaha amin'ny Solombavambahoaka Naivo RAHOLIDINA. Henri Florien

Haverina amin'ny laoniny ny tetiandrom- pampianarana izay nasiam- panovana tamin'ny alalan'ny tetikasa PSE. Ankoatr' izay, betsaka ireo fanatsarana ho hita eny anivon'ny minisiteran'ny fanabeazam- pirenena raha ny tatitra nataon'ny minisitra tomponandraikitra nandritry ny famindram- pahefana natao androany teo amin' ireo minisitra 2 tonta.

Fanantanterahana ny vina napetraky ny filohan’ny repoblika, Fanohizana ny fanatsarana ny kalitaon’ny fampianarana ambony . Izay amin’ny ankapobeny ny asa miandry ny minisitra tomponandraikitra. Tontosa io maraina io teny Fiadanana ny fifamindram-pahefana teo amin’ny minisitry ny fampianarana ambony sy ny fikarohana ara-tsiansa teo aloha sy ny minisitra vaovao. Nandritr’izay no nanantanterahan’ny minisitra nivoaka ny tatitra ny asa vitany.

Manamboninahitra miisa 55, ka vehivavy ny 6 tamin'ireo no navoaka tamin’ny fomba ofisialy androany tao amin’ny ACMIL Antsirabe. Nitondra ny anaran’i « Général de Brigade Andrianaivo Raymond » ireto andiany ireto. Andiany mivantana faha-40 izy ireo. Tonga nanatrika ny famoahana azy ireo ny filohan'ny repoblikan'i Madagasikara RAJOELINA Andry.

Ny 9 % n’ny mpianatra anivon’ny ambaratonga fototra no misitraka ny tohana ara-tsakafo any an-tsekoly ankehitriny. Tsara ny vokatry ny tetikasa araka ny tombana natao ka anatin’ny ezaka ho fampitomboana ireo mpahazo tombony ny minisiteran’ny fanabeazam-pirenena sy ny mpiara miombon’antoka.

Mandry tsy lavo loha ireo mponina any amin'ny distrikan'i Fenoarivobe ankehittriny, omby miisa 40 indray no lasan'ny ahalo ka hanaovan'izy ieo antso avo mba hanampiana ireo mpitandro filaminana any an-toerana hamongotra ny asan-dahalo.