Archives mensuelles: août 2019

Tafapetraka soa amantsara ny filan-kevi-pitantanana ny tahirimbolam-pirenena nasionaly eo anivon'ny sehatry ny fananantany, izy ireo izay hanampy ny sampandraharahan'ny fananantany, eo anivon'ny minisiteran’ny fanajariana ny tany, ny toeram-ponenana sy ny asa vaventy

Efa manomboka miditra ao anatin'ny vanim-potoana ahitana ny valan'aretina pesta isika eto Madagasikara amin'izao fotoana izao, ny fiaraha-mientan'ny tsirairay amin'ny fitandroana ny fahadiovana no vaha olana maharitra iadiana amin'izany. Efa misy ny ezaka ataon'ny ministera amin'izao fotoana izao.

« Tsy haingitraingitra fa zo fototra maha-olona ny sakafo », io no nasongadin’ny Filoha RAJOELINA Andry nandritra ny fandraisany fitenenana omaly tany Tokyo Japon, mialohan’ny fivoriambe iraisam-pirenena andiany faha-7 hiadiana amin’ny tsy fanjarian-tsakafo ho an’ny ankizy aty Afrika. Velirano efa nataoko ho an’ny vahoaka Malagasy rahateo, hoy hatrany ny Filoha Malagasy ny hanafoanana ny tsy fanjarian-tsakafo any Madagasikara. Fanampim-panazavana.

Zaraina maimaim-poana ho an’ireo mpino keristianina efa nisoratra anarana ny tapakila hahafahana miditra eny amin’ny Kianja Soamandrakizay mandritra ny alim-bavaka ny Sabotsy faha-7 septambra sy ny lamesa lehibe tarihin’i Papa ray masina ny Alahady faha- 8 septambra fa tsy amidy, hoy ny tomponandrikitra mikarakara ny fandraisana ny Papa eto Madagasikara. Fanampim-panazavana.

Tsena vy ahitana box 160 indray no atsangan’ny kaominina Antananarivo Renivohitra am-boletra etsy amin’ny fokontany LALAMBY ANOSIBE. Fikambanana tsy miankina antsoina hoe « MANAMPy » no nomen’izy ireo hitantana izany. Tsy fantatra mazava ankilany na ny fifanarahana na ny fepetra samihafa ahazoana ny tsena.

Nahomby ny dian'ireo delegasiona Malagasy niady ny hahafahantsika mampiasa ireo tahirina hazo sarobidy. Vonona ny CITES hanome tantsoroka antsika amin'ny fanatanterahana ny Paikady hapetraka.

Tontosa tam- pilaminana ny fananadinana CEPE izay notanterahina ny tontolo andro androany Talata faha 27 aogositra manerana an' i Madagasikara. Saika tsy nahitana olana avokoa ny foibem- panadinana rehetra. Tany Toamasina no nanokafana izany tamin'ny fomba ofisialy ny maraina teo izay natrehin'ny minisitry ny fanabezampirenena.

50%n’ny tsenam-barom-panjakana no nahitana tsy fahatomombanana ny taona 2016 sy 2017. Ela ihany koa ny fikirakirana ny antontan-taratasy. Taorian’ny baiko nomen’ny filohan’ny repoblika amin’ny fanafainganana sy fanovana ny fomba fiasa eny anivon’ny sampandraharam-panjakana, napetraka androany ny guichet unique des marches publics etsy Antsahavola. Ny minisiteran’ny asa vaventy no hanombohana ny andrana ary manomboka eo dia ao anatin’ny 24 ora no hivaly ny fikirakirana taratasy.

Iray andro mialoha ny hisokafan’ny andiany fahafito amin’ny Fivoriambe iraisam-pirenena eto Tokyo, Renivohitry Japon, ho an’ny fampandrosoana an’i Afrika na « TICAD 7 » efa tonga any an-toerana ny Delegasiona malagasy tarihin’ny Filohan’ny Repoblika RAJOELINA Andry mivady. Nisy avy hatrany, ny fihaonan’ny Filoha Malagasy, tamin’ireo tomponandraikitra ambony Japoney momba ny fifandraisana iraisam-pirenena sy ny fifandraisana ara-barotra misahana an’ireo tetikasa sy fifanaraham-piaraha-miasa manerana an’izao tontolo izao. Fanampim-panazavana.

Efa vonona avokoa ny fanomanana ny fanadinana CEPE izay hatao rahampitso Talata manerana an' i Madagasikara, raha ho an'ny CISCO Antananarivo manokana. Nihena 9% ny isan'ny mpiadina raha oharina tamin'ny herintaona, raha ny fanazavana azo hatrany. Tsy misy miova kosa ny fizotry ny fandaharam-potoana.