Archives mensuelles: septembre 2019

Tokony hanatanteraka fitsirihana teknika avokoa ny fiarakodiam-panjakana eto Madagasikara. Hamoraina ny fahafahan’ny fiarakodiam-panjakana manao izany ka tanjona ny fisorohana ny loza mety hitranga.

Tsy azo ihodivirana hanarenana ny orinasa JIRAMA ny fampiakarana ny vidin’ny herinaratra araka ny soso-kevitra naroson’ny banky iraisampirenena omaly. Niombon-kevitra amin’izany ny faribolan’ny mpandalina ny toekarena eto Madagasikara, saingy namafisiny ny tokony hampiharana izany ho an’ny mpanjifa tsy ankanavaka.

Tsy mandeha araka ny tokony ho izy ny fanadiovana ny lakandrano C3 etsy Ambodin’Isotry. Raha mivangongo ny fako ary manentsina ny lakandrano, tsy hita taratra ny fandraisan’andraikitra ny kaominina hatrizay, hoy ireo mponina. Ankoatran’ny asa nataon’ny SOGEA farany teo, tsipaipaika ny mponina miampy ny RF2 arak’izany no niantoka ny fanadiovana.

Mitovy avokoa ny kandidà rehetra manoloana ny lalàna velona eto amintsika fa tsy misy na dia iray aza ambonin’ny lalàna, hoy ny mpahay lalàna nanaovana fanadihadiana. Tokony hialana amin’izay ny fametrahana ahiahy tsy mitombona.

Tontosa androany avokoa ny fisarihana ny laharana entin'ireo kandidà mpifaninana amin'ny fifidianana kaominaly ao anaty bileta tokana manerana an'i Madagasikara. Fisarihana roa samihafa no notanterahina amin'ny maha fifidianana roa samihafa ny 27 novambra izao, fepetra roa samihafa ihany koa no hanatanterahana ny fifidianana raha ny fanazavan'ny filoha lefitry ny CENI.

Teboka 4 goavana no naroson’ny Banky iraisam-pirenena tokony hanarenana ny orinasa Jirama sy hanatrarana ny « EQUILIBRE OPERATIONNEL » hatramin’ny taona 2030. Isany nisongadina ny famerenana midinika ny fifanarahan’ny orinasa sy ny mpandraharaha misehatra amin’ny famokarana herinatra izay ahazoan’ny hatramin’ny 193 Lavitrisa Ariary isantaona.

Napetraka tamin'ny fomba ofisialy ny vatofototra hananganana ny EPP manara-penitra ao amin'ny Koaminina Beandrarezona. Fananganana fotodrafitr'asa izay tafiditra ao anatin'ny Politika ankapoben'ny fanjakana amin'ny fanatsarana ny tontolon'ny fampianarana sy ny fanabeazana, amin'ny alalan'ny ministera tomponandraikitra.

Manomboka ny asa fanamboaran-dalana any Bealanana amin'izao fotoana izao araky ny fampanantenana nataon'ny filohan'ny Repoblika . Ny farany herinandro teo no tonga nametraka ny vato fehizoro ny minisitry ny fanajariana ny tany, ny asa vaventy, ary ny toeram-ponenana.

Laharana faha efatra ao anaty bileta tokana no misy ny kandidà avy amin'ny IRK Naina ANDRIANTSITOHAINA mandritra ny fifidianana ben'ny tanàna ho avy izao, tontosa io maraina io ny antsapaka teny amin'ny foiben'ny OVEC Antananarivo Renivohitra teny Nanisana.

Vita avokoa amin’izao fotoana izao ny ampahany betsaka amin’ny fanatsarana ny sisin-dalana tafiditra anatin’ny tetikasa fanamboarana ny lalana mivoaka amin’ny RN1, RN2, RN3, RN4, RN7, eo ihany koa ny lalana eny Itaosy sy Avarabohitra. Miverina amin’ny kaominina Antananarivo ankilany ireo vato tamin’ny sisin-dalana sy ny pavé nohesorina rehetra teto Antananarivo, ary eny Antsakaviro no hitoeran’izay.