jeudi 21 novembre 2019

Archives quotidiennes: 11 octobre 2019

video

Tsena VMMM : afa-po ireo nisitraka izany

Tao amin’ny kaominina Tanjombato indray no nisitraka ny fitaovam-pianarana amin’ny vidiny mirary androany, tamin’ny alalan’ny hetsika sosialy karakarain’ny Vehivavy Malagasy mara Miainga. Fitsinjovana ny Ray sy Renim-pianakaviana ny tanjona amin’izao hetsika izao.
video

Raharaha laza adina Baccalauréat : miisa 43 ireo voasambotra

Tafiakatra 43 ireo olona voasambotra tamin’ny fivoahana laza adina nandritra ny fanadinana baccalauréat farany teo araka ny tatitra nataon’ny zandarimariam-pirenena ny maraina teo. Mitohy ny fanadihadiana ary hamafisina ny fepetra raisina amin’ny “bacc session spécial” raha ny fanazavana.
video

« Programme Participatif d’amélioration des Bidonvilles» : miditra amin’ny dingana fahatelo

Miroso amin’ny dingana fahatelo amin’izao fotoana izao ny « Programme Participatif d’amélioration des Bidonvilles», izay paikady entina hijerena manokana ireo tsy manan-kialofana, sy n miaina anaty fahantrana. Eto Antananarivo no hisantarana ny fampiharana ny hetsika sy paikady rehetra voarakitra anatin’izay. Nanomboka androany ary hifarana rahampitso ny atrikasa momba izany tontosaina ao amin’ny ministeran’ny fanajariana ny tany, ny toeram-ponenana ary ny asa vaventy.
video

« Plan Emergence Madagascar » : Ho vitaina ao anatin’ny 1 volana

1 volana eo ho eo no fanamby napetraky ny Praiminisitra lehiben’ny governemanta hamitana ny PLAN EMERGENCE MADAGASCAR na ny Tetipivoarana ho an’ny fampandrosoana an’i Madagasikara, izay handrindrana ny fanatanterahana ny politika ankapoben’ny fanjakana araka ny vina sy velirano nataon’ny filohan’ny Repoblika. Io no nisongadina nandritra ny dinika momba izany, izay niarahan’ny mpikambana anivon’ny governemanta sy ny mpiara-miombon’antoka arabola sy arateknika.
video

Madagasikara : an-dalana ny fanatsarana ny tontolon’ny fahasalamana

Mifarana androany ny fivoriana iraisam-pirenena faha-6 momba ny fitadiavana famatsiam-bola ny ady atao amin’ny VIH Sida, ny tuberculose ary ny tazo moka any Lyon Frantsa . Isan'ireo nandray fitenenana nandritr'izany ny Filohampirenena Malagasy RAJOELINA Andry.