Archives mensuelles: octobre 2019

Niainga ny hariva teo ny fiarabe hitondra ny fitaovana hanamboarana ny Pont ao Tetezambaro izay nisy fahasimbana tamin'ny atoandro. Mbola hisy fiara faharoa hiainga rahampitso maraina hitondra ny fitaovana fanampiny. Ezahina ho vitaina ao natin'ny fotoana fohy ny Pont hahafahan'ny mponina mivezivezy.

Mandeha araky ny tokony ho izy ny fanamboarana ny lalana RN44, izay niatomboka taorian’ny fametrahan’ny Filohan’ny Repoblika ny vato fototra tany an-toerana. Nanamafy ny orinasa CGC nahazo ny asa, fa tsy maintsy voahaja ny 18 volana voalaza hamitana ny tapan’ny voalohan’ny fanamboarana. Nitsidika tany an-toerana ireo teknisiana teo anivon’ny Minisiteran’ny fanajariana ny tany, ny toeram-ponenana ary ny asa vaventy, nijery ny fizotry ny asa.

Nananamafy ny minisitra tompon'andrikitra nandritra ny valandresaka nifanaovana tamin'ny mpanao gazety androany fa ampy ary tsy misy atahorana ny famatsiana solika eto amintsika. Hisy ihany koa ny fepetra horaisina ho an'ireo izay minia manely tsaho sy mitarika fanakorontanana.

Misokatra ho amin'ny fifampiresahana amin'ny vahoaka voakasiky ny fananganana ny tetikasa Tana-Masoandro ny fitondram-panjakana. Nidina teny ifotony nihaino ny feon'ireo vahoaka ireo delegasiona maro samihafa, ho entina mametraka marimaritra iraisana.

Mbola nahitana filaharana vitsivitsy ny toby mpamatsy solika tamin'ity androany ity raha ny zava-nisy teto andrenivohitra. Ny fahamaroan'ny olona manjifa nohon'ny fahatahorana ny amin'ny tsy fisian'ny lasantsy no antony tsy nampaharaka ny lasantsy tato anatin'ny roa andro izay.

Isan'ny tanjona lehibe ao anatin'ny tetikasa "Rue de Tanà ny hanafoana ireo lavadavaka ary tsy hisy lalana ratsy intsony. Mitohy ny asa amin'izao raha nanomboka ny volana Jolay lasa teo. Ndeha harahintsika ato anatin'ity fanadihadiana manaraka ity ireo Lot miisa 5 voakasik'izany.

Mahatratra 7 tapitrisa litatra ankehitriny ny tahiry ho an'ny Gasoil raha toa ka 1 tapitrisa litatra ho an'ny lasantsy. Ampy ho an'ny filan'ny mpanjifa ireo ambimbava ireo hoy ny fanazavan'ny Sekretera Jeneralin'ny GPM na Groupement Petrolier de Madagascar raha toa ka mirindra araky ny tokony ho izy ny fanjifana.

Faritra 8 amin'ireo 22 misy eto Madagasikara no efa vita amin'ny antsakany sy andavany ny fanontana ny bileta toana hampiasaina mandritra ny fifidianana kaominaly ho avy izao. Manana hatramin'ny 12 Novambra izao ity ivon-toerana hamitanha ireo bileta tokana ireo.

Manoloana ny feo hahely fa hoe tsy nanara-dalàna ary tsy nampahafantarina ny vahoaka ny resaka Tana-Masoandro. Efa nipetraka tamin'ireo kaominina ireo affichage izay takian’ny lalàna. Nanara-dalàna tanteraka ny dingana nolalovana mikasika ny Tana-Masoandro, na izany ny fampahafantarana ny vahoaka tamin’ny alalan’ireo peta-drindrina mikasika ny fanadihadiana commodo-incommodo na ny didim-panjakana manambara ny maha"utilité publique" ilay asa fanamboarana ka afahafahana miroso amin'ny expropriation.

Olona an-jatony no milaza ho lasibatra noho ny fikorontanana misy ao amin'ny agence iray mikarakara fivoahana miaraka mankany ivelany na Voyage organisé araky ny fitarainana nataon'izy ireo. Vola an-tapitrisa maro no efa lasan'ilay agence. Hatreto, mbola tsy naharaisana fanazavana ny avy eo anivon'ity agence voaresaka ity.