Archives mensuelles: novembre 2019

Tanora 22 no nofantenan’ny UNESCO ho masoivohon’ny fanabeazana olompirenena eto Madagasikara. Aorian’ny fampiofanana hatao, hanampy sy handray anjara amin’ny famolavolana ny politika ho fanatsarana ny fanabeazana olompirenena isaky ny faritra niaviany izy ireo.

Fotoan’ny fanovàna tokoa izao. Fotoanan’ny fanarenana ny fiainam-pirenena sy ny fiainam-bahoaka amin’ny lafiny maro. Iàlana ary tsy ekena intsony ny fitantanana tsy mahomby, ny fanjakana tsy tan-dalàna, ny fisian’ny tsimatimanota, ny fanaovana kolikoly amin’ny endriny rehetra, ny fanaovana kiantranoantrano amin’ny fitantanana ny firenena, ny firaisana tsikombakomba amin’ny asam-panjakana, ny fanaovana tantely afa-drakotra ny harem-pirenena. Firenana vaovao mendrika ny vanim-potoana ankehitriny no tiana hajoro.

Azo hatsaraina ny tahan’ny harikarena faobe eto Madagasikara hanatrarana ny tanjona 5,4 % amin’ny taona ho avy, hoy ny manampahaizana momba ny antontan’isa nanaovana fanadihadiana. Ankoatran’ny fampanarahan-dalàna ny seha-pamokarana eny ifotony, isany hampiakatra izany ny fahavitan’ny fotodrafitrasa maro indrindra ny lalana izay hanatsara ny famoaham-bokatra.

anamarina ny maha an’i Madagasikara ny « Iles Eparses »  ny tantara. Ireo Nosy aty amin’ny Ranomasimbe Indiana ireo izay miala 10 000km an’i Frantsa. Nosy izay efa namoahan ‘ny  firenena mikambana fanapahan-kevitra ny taona 1979 ny hamerenan’i Frantsa azy ireo ho an’i Madagasikara. 40 taona aty aorian’io fanapahan-kevitra navoakan’ny firenena mikambana io, mbola tsy nampiarin’i Frantsa izany fanapahan-kevitra izany.

Mizotra am-pilaminana ny fifampiresahana eo amin’ireo tompontany sy ny tomponandraikitry ny Guichet unique Tanamasoandro etsy Andohatapenaka. Tompona parcelle manodidina ny 300 eny Ambohitrimanjakana hatreto no efa tonga nangata-panazavana .

Ny fanamafisana ny fikarohana momba ny teny sy fikarohana siantifika amin’ny ankapobeny no asa laharampahamehana ho an’ny Akademia malagasy amin’ny taom-piasana 2019 -2020 ity. Namporisika ny Akademisiana hiroso lalina amin’izany ny praiminisitra izay nanamafy ny mahazavadehibe ny fikarohana eo amin’ny lafiny fampandrosoana.

Nidina ifotony nijery ny asa fanamboaran-dalana mampitohy an'Ambilobe -Vohémar sy Ambilobe - Antsiranana, RN 6 ny minisitry ny fanajariana ny tany, ny toeram-ponenana sy ny Asa Vaventy. Mitohy ny asa fa tsy araka ny feo mandeha etsy sy eroa ary tsy maintsy ho vitaina araka ny tokony ho izy.

Nitsidika ny fonjan’Antanimora androany ny Filoha RAJOELINA Andry. Sambany teo amin’ny tantaran’i Madagasikara no nisy Filohampirenena nitsidika ny fonjan’Antanimora. Fihetsika izay manaporofo ny fanajàna ny zon’olombelona eto Madagasikara. Nisy ny fanomezana famotsoran-keloka gadra miisa 6 androany nataon’ny Filohampirenena.

Mizotra araky ny tokony ho izy amin’izao fotoana izao ny fanavaozana ny lalampirenena faharoa, mampitohy an’Antananarivo sy Toamasina. Manodidina ny 3 volana ny faharetan’ny asa raha ny fanazavana.