Archives quotidiennes: 7 décembre 2019

Ny toerana misy ireo fiantsonan’ny fiara na ny « parking » no isan’ny fototra iray mahatonga ny fitohanan’ny fifamoivoizana maharitra ora maro eto Antananarivo renivohitra, hoy ny eo anivon’ny polisim-pirenena. Efa nisy ny antso natao tamin’ny kaominina Antananarivo renivohitra handinihina izany, saingy hatreto, tsy nisy ny fandraisan’andraikitra.

Hotanterahina ny 9 hatramin’ny 11 desambra ho avy izao eny amin’ny CCI ivato ny fihaonambem-pirenena hanangonan-kevitra mahakasika ny fitakiana ireo nosy malagasy aty amin’ny ranomasimbe Indiana. Hasaina araka izany ny malagasy tsy vakivolo ho tonga eny an-toerana ho an’ny tombontsoa ambonin’ny firenena.

Ny fahaizana mifandray amin’ny manodidina, ny filofosana amin’ny fanatratrarana ny tanjona napetraka, ny fikarohana, ireo no isan’ny antoky ny fahombiazan’i RABEHAJA Mathieu, tanora malagasy, namokatraka ny jeux vidéo « Dahalo ». Ny tenany izay nanaiky hizara ny lalam-piainany ho an’ny tanora Malagasy.

Nohamafisin'ny masoivohon'ny La Frantsa monina sy miasa eto Madagasikara fa fiaraha-miasa efa nisy hatramin'izay ny fanampian'ny La Frantsa an'i Madagasikara ary tsy misy ifandraisany amin'ny fitakintsika ny Iles-Eparse ireo fanampiana izay ataon'izy ireo.