Archives mensuelles: décembre 2019

Nidina nijery ifotony ny lalana namboarina mampitohy an’i Mananasy sy Belavenina, omaly ny tomponandraikitra eo anivon’ny ministeran’ny fanajariana ny tany, ny toeram-ponenana ary ny asa vaventy. Nojerena tamin’izany ny fanarahan’ny lalana ny fenitra takiana. Namafisin’ireo nanao ny fitsidihana fa ilaina ary anjaran’ny tsirairay ny mikajy ny asa vita. Fanadihadiana.

Namoaka fanambarana omaly ny SEFAFI na ny Sehatra fanaraha-maso ny fianam-pirenena nankasitraka ny asa fanamboaran-dalana nataon’ny fitondram-panjakana teto Antananarivo Renivohitra sy ny manodinana, saingy nohamafisiny fa andraikitry ny rehetra ny miaro sy mikojakoja ny foto-drafitrasa vita toy ny lalana.

Andro vitsy tsy hahatongavan’ny fetin’ny noely, efa manomboka tazana eny an-tsena avokoa ireo entam-barotra manamarika ny fankalazana izany. Anisan’ny tsy afa-miala amin’izany ny akoho amam-borona. Fotoana fividianana azy ireo izao raha ny nambaran’ireo mpivarotra.

Isan’ny hahazo ny EPP Manarapenitra, fampanantenana nataon’ny filohan’ny repoblika amin’ny alalan’ny ministeran’ny fanabeazam-pirenena sy ny fampianaran ateknika ary ny fampiofanana arak’asa ny ao amin’ny distrikan’Isandra. Ny any an-toerana izay mbola misedra olana amin’izao fotoana noho ny fisian’ny asan-dahalo.

Miteraka fahasahiranana ho an’ny daholo be ny fampiasana ireo vola teo aloha  taorian’ny filazana navoakan’ny Banky Foiben’I Madagasikara fa hatsahatra tsy azo ampiasaina intsony aorian’ny faha-31 desambra 2019 ho avy izao ireo vola teo aloha, manomboka amin’ny 100 Ariary ka hatramin’ny iray alina Ariary, izay natonta tamin’ny taona 2003. Misy amin’ireo mpivarotra no tsy mety mandray azy ireny intsony. Misy mpanjifa ihany koa toy izany.

Nahazo famatsiam-bola manodidina ny 14 tapitrisa dolara avy amin’ny BAD ny tetikasa PACE na ny PROGRAMME D’APPUI A LA COMPETITIVITE ECONOMIQUE. Tanjona ny fanatsarana ny lafiny toekarena amin’ny ankapobeny. Isany hojerena akaiky ny lafiny fampiasam-bola, ny sehatry ny famokarana herinaratra, ny fitatera sy ny fanodinam-bokatra eto Madagasikara.

Tontosa alina ny Noël pour tous, izay hetsika iray hitsimbinana ireo fianakaviana sahirana, tsy manan-kialofana eto an-drenivohitra. Tamin’ity taona ity, olona maherin’ny 750 no nisitraka izany. Ny Noël pour tous, izay avy amin’ny tsipaipaikan’ny mpiasa eto amin’ny Kolo TV/FM.

Araka ny nanarahanao azy teo dia nolaniana nandritra ny filankevitry ny minisitra omaly ny volavolan-dalàna hifehy ny teti-bola 2020. Ny voalazan’ny lalàmpanorenana araka ny andiany faha-29 no narahina, raha ny fanazavan’ny mpahay lalàna.

Tsy azo ihodivirana ny fanavaozana ny lalàna hifehezana ny harena an-kibon’ny tany eto Madagasikara. Io raha fintinina ny fanehoan-kevitry ny praiminisitra lehiben’ny governemanta nandritra ny fanokafana ny SALON DES MINES androany. Teboka 3 no tsy maintsy havaozina anatin’izany ka tanjona ny hahazoan’ny rehetra tombony anatin’ny fitrandrahana ny harena an-kibon’ny tany.

Tsy fahatomombanana teo amin’ny lafiny fikarakarana sy tsy fahadiovana no nitarika ny fanapoizinana ara-tsakafo nahazo ireo mpianatra 64 teny Andravoahangy ny alatsinainy teo. Nakatona avy hatrany ary tsy afaka manohy izay asa famarotana hani-masaka izay ny toerana araka ny fanazana.