mercredi 15 juillet 2020
Accueil 2020

Archives annuelles: 2020

Anovorano – Merimandroso : renim-pianakaviana maty nokapaina famaky

0
Trangam-piarahamonina, nitrangana vono olona  mahatsiravina tao amin’ny fokontany Anovorano, kaominina Ambanivohitr’i Merimandroso, distrikan’Ambohidratrimo ny alin’ny Asabotsy. Renim-pianakaviana 70 taona no maty nokapaina tamin’ny famaky ary natsipy tao anaty lava-drano taorian’izay. Efa mandeha ny famotorana ary takiana ny sazy mifandraika ho an’ny nahavanin-doza hoy ny fianakavian’ny maty. 

1990 – 2010 : 193 Tapitrisa Dolara farafahakeliny no voahodikodina teto Madagasikara

0
Vola fanampiana mitentina 193 Tapitrisa Dolara farafahakeliny no voahodinkodina teto Madagasikara raha ny fanadihadiana natao ny taona 1990 hatramin’ny taona 2010, araka ny tatitra navoaky ny Banky iraisam-pirenena. Ireo mpanao Politika teo amin’ny fitondrana, ireo nanana andraikitra ambony sy ny namany no voatonona matetika tamin’izany. Izy ireo izay nanan-danja teto amin’ny firenena ary nandairan’ny kolikoly indrindra, raha io tatitra io hatrany. 

Mpitsabo tsy miankina : hanampy amin’ny fitsaboana ny valan’aretina Coronavirus

0
Hirotsaka an-tsehatra hanampy amin’ny fitsaboana ireo mararin’ny Coronavirus ireo mpitsabo tsy miankina manomboka izao h fifanomezan-tanana manoloana ny ady sarotra lalovan’ny firenena iza. Ankoatra ireo mpitsab tsy miankina miisa 40 hiasa eny anivon’ireny Centre de traitement samihafa ireny, clinique manodidina ny 200 ihany koa no fantatra fa afaka mandray ireo marary rah ny nambaran’ny filohan’ny holafitry ny mpitsabo.

COVID-19 : tonga ny fitaovana hanatsarana ny fitsaboana avy amin’ny CHU La Réunion

0
Nigadona androany tetsy Ivato ny fitaovana hanamafisana ny ady amin’ny Covid-19 avy amin’ny CHU an’i La Réunion. Hanampy betsaka amin’ny fitsaboana ny marary ny fampitaovana hoy ny minisitry ny fahasalamam-bahoaka. Hitohy amin’ny lafiny maro ny fiaraha-miasa ka isan’izany ny fandefasana mpitsabo hanampy amin’ny fandraisana an-tanana ny marary eny anivon’ny toeram-pitsaboana, hoy ny masoihohon’i La frantsa.

Ambatondrazaka

0
  Tohin’ny raharaha halatr’omby tany amin’ny distrikan’Ambatondrazaka, tanànan’i Ampamoholambo, nahavoarohirohy sefo fokontany any an-toerana; ahiana hiteraka kotontana ny  famotsoran'ny zandary ilay sefo fokontany eo am-piandrasana ny fitsarana azy. Tsy manaiky ny hivoahany ny mponina, antony raha ny fanazavana, efa misy hoy ny maro ny fandrahonana sy ny filazana fa misy olona ambony ao andamosin’ity lehiben’ny fokontany ity.

Ampefiloha Ambodirano : mitaky ny fanesorana ny sefo fokontany ny mponina

0
Mitaky ny fanesorana ny sefo fokontany eny an-toerana ny mponina etsy Ampefiloha Ambodirano. Tsy azo ekena intsony ny fanodikodinana ny fananan’ny fokontany, ny fanaovana kolikoly amin’ny endriny maro sy ny marohafa, izay efa nanaovan’ny mponina tatitra nandritra ny taona maro. Androany no niroso tamin’ny hetsika fanairana ny ambaratongam-pahefana ireo mponina teny an-toerana. 

Palais de sport Mahamasina

0
Anomboka amin’ny herinandro no vinavinaina handray marary  « cas symptomatique » ny ao amin’ny lapan’ny fanatanjahatena Mahamasina. Miaramila maro ihany koa no nanaraka fiofanana teny an-teoarana androany. Izy ireto izay  hiandraikitra ny fandrahana ranonam-panafody amin’ny toerana maro eto andrenivohitra  .

Ambalavao Isotry : raim-pianakaviana iray namoy ny ainy nandritra ny hain-trano

0
Raim-pianakaviana manodidina ny 70 taona no may kilan’ny afo vokatry ny firehetana trano lehibe iray teny Ambalavao Isotry omaly alina. Cours circuit tamina efitrano fitahirizana « Balle de Friperie » no nahatonga ny firehetana raha ny fanazavan’ireo niharam-boina. Potika avokoa arak’izany ny entana ho an’ireo ankohonana 9

Ampamoholambo – Ambatondrazaka : Omby miisa 9 lasan’ny jiolahy

0
Omby miisa 9 no lasan’ireo jiolahy nandritran’ny fanafihana nataon’izy ireo tao amin’I Tanànan’I Ampamoholambo distrikan’Ambatondrazaka. Ny sefo fokotany any an-toerana no ahiahihan’ireo fokonolona ho mpiray tsikombakomba amin’ireo olon-dratsy  nandritra ity fanafihana ity. 

Fasana Anjanahary : 60 000 Ariary isan-taona ny hofan’ny « fosse provisoire »

0
60 000 Ariary isan-taona  ny hofan’ny « fosse provisoire » eny Anjanahary araka ny tapaka teo amin’ny filankevitry ny tanàna. Ny Alatsinainy teo ka hatramin’ny  androany, miisa 4 ny fangatahana fandevenana eny amin’ny fasana Anjanahary  voarain’ny BMH. Malalaka ny toerana eny Anjanahary raha ny fanazavana hatrany.