Archives mensuelles: janvier 2020

Tohin’ny raharaha fanodikodinam-bola teo anivon’ny orinasa Kraomita malagasy, naiditra amponja vonjimaika eny Antanimora ny tale jeneralin’ny orinasa kraoma, reheva avy andalo fampanoavana tetsy amin’ny PAC na ny Pole Anti-corruption omaly. Mpiasa 2 sy mpividy kraoma 1 ihany koa no voasaringotra niaraka aminy amin’izany.

50% n’ny fanamboarana ny lalana Rocade no vita amin’izao fotoana izao. Tonga nitsidika ny fizotry ny aza ny filoha lefitry ny BEI n ny Banque Européenne d’investissement, sy ny masoivohon’ny Vondrona Eoropeana niaraka tamin’ny minisitry ny MAHTP androany. Miroso araky ny tokony ho izy ny asa rehetra raha ny fanazavana. Naneno ny fahavononany hanohana an’i Madagasikara amin’ny lafiny fampandrosoana ihany koa ireo mpamatsy vola nandritra io.

Tetibola manodidina ny 70 tapitrisa euros. Izay no entina manatsara ny famatsiana rano fisotro madio eto Antananarivo na ny Jirama Water 3 (three). Fiarahamiasa eo amin’ny vondrona eropeana sy ny governemanta malagasy. Tontosa androany tetsy amin’ny lapam-panjakana Iavoloha ny fifanaovan-tsoniam-piarahamiasa teo amin’ny fanjakana Malagasy, ny vondrona eropeana sy ny banque européenne d’investissement.

Nihemotra isa iray indray i Madagasikara amin’ny ady amin’ny kolikoly na ny indice de perception de la Corruption, raha ny tatitra navoakan’ny Transparency International androany. Isa 24 amin’ny 100 no azony raha toa 25 amin’ny 100 izany ny taon-dasa. Ankoatry ny tsy fahampian’ny fanarahan-dalàna eto amin’ny firenena, isany antony nampiemotra ihany koa ny tsy fahampian’ny fangaraharahana eo amin’ny lafiny ara-politika.

Nodimandry teo amin’ny faha-82 taonany omaly alarobia faha-22 janoary ny Arseveka Emérite Mgr RABENIRINA Rémi Joseph. Efa nitana andraikitra ambony maro teo anivon’ny fiangonana Anglikana ny tenany ary filohan’ny FFKM na ny Fiombonan’ny Fiangonana Kristiana eto Madagasikara ny taona 2002.

Hamafisina ny fanaraha-maso ny vola miasa sy mihodina amin’ireo orinasa vaventy miasa eto Madagasikara, hahafahana manamafy ny fangaharahana, entina hanatsarana ny fampidiran-ketra eto amintsika. Afaka misitraka ireo antontam-baovao momba ny hetra avy amin’ireo firenena 150 mpikambana amin’ny Forum Mondial manoloana io i Madagasikara. Nanomboka androany ny atrikasa fanamafisana traikefa mikasika ny fangatahana io antonta-baovao , na ny information fiscale io.

Fitoriana minisitra teo aloha miisa 15 no voarain'ny teo anivon'ny HCJ ny taona 2019 lasa teo. Nalefan'ity rafi-pitsarana ity eny anivon'ny antenimieram-pirenena izany amin'izao fotoana izao. Miankina amin'ireo solombavambahoaka, mandritra ny fivoriana ara-potoana manaraka, no hahafahana manenjika ireo minisitra ireo raha ny fanazavan'ny mpahay lalàna.

Andrasan'ny mpanara-baovao ankehitriny ny mety fisian'ny fiovana eo mpikambana anivon'ny governemanta. Ny fanatanterahan'izy ireo ny fifanarahan'asa izay natao tamin'ny filoha no hijerena ny asa vitan'izy ireo.

Mbola mahasarika ny olona ny sakafo masaka eny amoron-dalana, indrindra amin’izao vanim-potoana avy orana, mampalaina ny hivoaka hiantsena sy hikarakara sakafo izao. Na tsy mandeha araka ny filazan’ireo mpivarotra aza ny sakafo lany avy koa izy ireny amin’ny ankapobeny.

Zava-dehibe amin'ny fanatratrarana ny fahaleovantena ara-tsakafo ho an'ny Malagasy ny fanitarana ny toeram-pabolena any Bas Mangoky hoy ny minisitry ny fambolena sy ny fiompiana ary ny jono androany, tombontsoa maro no azon'ny vahoaka malagasy ao anatin'izany ary tsy homena ny vahiny velively ireo tany ireo.