Archives mensuelles: avril 2020

Hitohy ny fanatanterahana ireo tetikasa efa nampanantenain’ny filoham-pirenena manerana ny nosy hoy ny tomponandraikitra eo anivon’ny fiadidinan’ny repoblika misahana ny tetikasa. Miankina amin’ny fotoana hahafehezana ny valan’aretina coronavirus ny fitohizan’izany raha ny fanazavana.

Efa nihatra nanomboka androny ilay fepetra napetraky ny fitondram-panjakana manolonana ireo olona izay tratra tsy manao aro-vava raha ny hita teny rehetra teny. Tsy mbola misy anefa ny lalàna miresaka ny atao hoe « travail d’intérêt général » raha ny eto Madagasikara.

Tapitra teo amin’ny manasa-dalana ny dian’nizy mianadahy ao Ludysoa sy Nathan tao anatin’ilay fifaninana The Voice. Na izany tsara ny ezaka sy ny vokatra azo ary nitondra avo ny lazan’i Madagasikara ny zava-bitan’izy roa mianadahy ireto. Vonony hiara-hiasa amin’izy ireo i Pascal izay mpanazatra azy raha ny nambarany.

Milamina ny toe-draharaha eo Ampasika taorian’ny fifandonana teo amin’ireo mpivarotra sy ny mpitandro filaminana omaly. Tsy nisy olona voasambotra , tsy nisy naratra na teo aza ny fisian’ireo andian’olona nikasa hanakorontana. 

Saron’ny Zandary ao Hell Ville – Nosy Be ny tambazotra mpamaky trano mampitaraina ny mponna ao an-toerana amin’izao fiatrehana ny ady amin’ny Coronavirus izao. Vokatry ny fiaraha-miasa tamin’ireo olona tsara sitrapo no nahafahana nahatratra azy ireo.

Nanaraka ireo fepetra ara-pahasalamana hitandrovana ny fipariahan’ny valan’aretina Coronavirus ireo fiangonana nivoha androany. Ho an’ny FJKM Firavahana Fitiavana nanaovana fanadihadiana, fidirana in-efatra no notanterahana.

Tsy ekena intsony ny fisian’ireo mpivarotra ivelany. Araka izany, naiditra anatin’ny tsena avokoa ireo mpivarotra manodidina ny 200 teo ivelan’ny Bazar Ambonara Nosy Be taorian’ny fanadiovana sy ny fandrarahana ranom-panafody ny tsena. Tanjona ny fanatsarana sy fanomezana endrika ny tanàna hoy ny eo anivon’ny kaominina. 

Tsy re feo ary tsy nanatrika ny fampahafantarana tamin’ny fomba ofisialy ny fanefitry ny coronavirus Covis organics ny solotena maharitry ny OMS omaly. Raha efa nanambara ny tsy tokony hampiasana io zavamaniry io hitsaboana ny tazo ity sampandraharahan’ny firenena mikambana ity, tsy mbola naneho hevitra mahakasika ny fampiasana izany ho fanefitry ny coronavirus kosa izy ireo. Ny OMS rahateo tsy afaka mandrara ny fampiasana ny covid organics, raha ny nambaran’ny tale jeneralin’ny IMRA.

Voalohan’ny eo amin’ny tantaran’ny famokarana sy fanjifana pétrole maneran-tany. Latsaka hatramin’ny -37,63 dolara, na mihiba -37,63 dolara ny anjifana ny baril ny pétrole Amerikanina. Tokony hampinina ny vidin-tsolika aty Madagasikara ny fidinan’ny vidin-tsolika eo amin’ny tsena iraisam-pirenena, hoy ny mpahay toekarena, saingy miankina tanteraka amin’ny fanjifana sy ny fifanaraha amin’ny mpamatsy solika izany. Hatreto, nijanona maritoerana tao anatin’ny volana maro ny vidin-tsolika eto amintsika.

Nohafahan’ny fitsarana ireo roalahy voalaza fa mpiray tsikombakomba tamin’ny fivoahan’ny filohan’ny FMF, Raoul RABEKOTO tany ivelany. Ankoatra izay niala tsy ho mpisolo vava an’i Arphine Helisoa intsony i Razafinjatovo willy sy ireo mpiara-miasa aminy.