Archives mensuelles: mai 2020

Raharaha miisa 5 momba ny ady amin’ny fanajana ny zon’olombelona no mbola tsy nahitana vokany hatreto ary miandry ny fandraisan’andraikitry ny fanjakana. Isan’izany ny raharaha Antsakabary. Mbola maro ihany koa ny fanatsarana mila ataon’i Madagasikara amin’ny fampanajana izany. Izay raha ny tatitry ny taona 2019 nataon’ny vaomieram-pirenena mahaleotena miahy ny zon’olombelona manoloan’ireo loholona androany.

Tsy ekena intsony ny goragora ary tsy maintsy hanaraka ny lalàna ny SIRAMA hoy ny tale jeneralin’ny orinasa nandritra ny fihaonany tamin’ny mpanao gazety androany. Ny eo anivon’ny SIRAMA izay nanao tatitra ireo asa sy fanatsarana vita nandritra izay 3 volana izay, ary nilaza fa teboka 04 lehibe no vita raha toa ka 03 no nangatahan’ny filankevi-pitantanana.

Misokatra amin’ny fomba ofisialy androany ny fihotazana lavanila any Ambanja. Mitaky ny hirosoan’ ny fotoam-pihotazana kosa ireo faritra hafa izay mbola miandry any amin’ny Volana Jolay vao afaka mioty. Mirongatra raha ny fanazavana ny halatra vanila ary matiantoka ny mpamboly nohon’ny fotoana fihotazana tsy mifanaraka amin’ny fotoana mahamasaka ny lavanila. 

Manoloana ny fihazakazaky ny tarehimarika amin’ny olona voamarina fa mitondra ny tsimok’aretina CORONAVIRUS any Toamasina amin’izao fotoana izao, nanatevin-daharana ny mpitandro filaminana any an-toerana ny EMMONAT ho fampiharana ireo fepetra mahakasika ny fihibohana. Mpitandro filaminana miisa 150 no efa tonga, hanampy ireo efa misehatra any an-teorana. 

Aty Afrika avokoa raha ny taha avy amin’ny CNIDH ny 37%n’ny fanamelohana ho faty ary tanterahana  manerantany. Raha toa ka efa nanomboka ny taona 2014 no nankatoavin’ny antenimierampirenena ny lalàna manafoana izany eto Madagasikara, mbola misy ny fanamelohana ho faty amin’ny endriny hafa eto amin’ny Nosy hatramin’izay hoy ireo mpiaro ny zon’olombelona. Nisy ny vidéoconférence mikasika ny peine de mort nokarakarain’ny fikambanan’ireo vaomieram-pirenenan’ny zon’olombelona Francophone, izay nandraisan’i Madagasikara.

Miha mahazo vahana ny fanarin-jaza eny amin’ireny toeram-piterahana ireny  amin’izao raha ny fanzava’ny tompon’andraikitra  iray teo anivon’ny policy mpihany ny vehivavy sy ireo zaza tsy ampy taona.  Ny fitsohahana ao an-tokatrano ny tranga maro miseo eto Magadasikara na eo ihany aza ireo fahaveran-jaza sasan-tsasany. 

Velaran-tany 1 000 Ha no hanombohana ny fambolena artemisia ao amin’ny faritra Itasy. Hisy ny fiaraha-miasa amin’ny tantsaha hanatanterahana izany ka vinavinaina hamokatra 1,5 T isan’hectara afaka enim-bolana.

Lehilahy iray 53 taona voamarina fa nitondra ny tsiomak’aretina Coronavirus no namono tena tao amin’ny hopital CHU Morafeno ao Toamasina androany. Ny BMH no nikarakara ny razana raha toa ireo fianakaviana no nandevina azy.

Isan’ireo biby ahiana  ho voan’ny coronavirus ihany koa ireo varika amin’izy ireo voasokajy ho « primate non humain », manana rantsan-tanana dimy. Manoloana izany, manaitra ireo tomponandraikitra isan-tokony ny mpisehatra eo amin’ny tontolo iainana hanamafy ny fiarovana ireo biby misarika mpizahan-tany.

Nifarana androany ny iray volan'ny Ramadany ho an'ny mpino silamo teto. Tsy nisy ny fanaovana fanompoam-pivavahana lehibe nentina nanamarihana izany noho ny toe-java-misy eto amintsika amin’ny fisian’ny valan’aretina. Nifanatona kosa ankilany ny isam-pianakaviana nanatanteraka ny fiaraha-misakafo.