Archives quotidiennes: 1 juillet 2020

Mbola maro ireo teny malagasy izay tsy voarakitra ao amin’ny rakibolana malagasy,  eo ihany koa ny tsy fifehezan’ny maro ny teny malagasy indrindra ireo aty an-drenivohitra. Raha ny tsikaritra efa miverina tsikelikely ihany  na lanjan’ny teny Malagasy eo amin’ny sehatra nasionaly sy iraisam-pirenena.  

Lany nasiam-panitsiana teny anivon’ny Antenimierandoholona androany ny lalàna mifehy ny tetibolam-panjakana 2020. Ny mahakasika ny REINSERTION BUDGETAIRE na ny fanoratana ny ampaham-bola tokony hositrahan’ny Loholona eo anivon’ity andripanjakana ity avy hatrany no nitondran’izy ireo fanitsiana.

Hivoaka afaka iray volana ny famokarana voalohany tontosain’ny Pharmalagasy,  araky ny nambaran’ny Filoha Andry RAJOELINA nandritry fidinana teny amin’ity  ozinina hanao ny famokarana fanafody eto Madagasikara toy ny Cvo + ity  androany. Etsy ankilany, nambaran’ny Filoha fa efa mande amin’izao fotoana izao ny andrana clinique na ny (essaie clinique) in Vivo sy in vitro amin’ny gélule cvo +, mialohan’ny hanatontosana ny andrana amin’ny olombelona.

Tontosa androany ny fihaonana teo amin'ny Ministera sy ireo orinasa miisa 55 mpikambana ao amin'ny GEHEM manerana an'i Madagasikara. Fihaonana izay tafiditra ao anatin'ny fametrahana rindran-damina vaovao entin'ny Ministera hanatanterahana ny vinan'ny Filohampirenena : "Madagasikara maitso". 

Tontosa androany ny fampafatarana amin’ny foba ofisialy  ny tetik’asa Avotr’Aina , izay fiarahamiasa ny Kaominina Antananarivo renivohitra, ny ministera ny rano sy ny UNICEF. Ao anatiny 3 volana ho  avy,  20 ariary ny vidin’ny rano  20 litatra  na 1 bidon eny amin’ireo fotodrafitrasa mamatsy rano ho an’ny daholobe na ireo atao hoe « borne fontaine »  amin’ny boritany 6 eto Antananarivo.    

BENAIVO Andrianaly Narcisse no nosafidin’ireo Solombavambahoaka hisolotena azy ireo eny anivon’ny Birao mahaleotena misahana ny fifidianana CENI, araka ny fifidianana notanterahin’ireo Solombavambahoaka androany teny amin’ny fivoriana ara-potoana. Hisolo ny toeran’ny filoha lefitry ny CENI avy hatrany izy ary hanapitra ny fepotoam-piasana hatramin'ny volana oktobra 2021. Na teo aza ny fifanolanana nisy teo amin’ny fanatanterahana ny fifidianana mahakasika ny fanatanterahana ny « Vote par procuration » ho an’ireo Solombavamlbahoaka tsy tonga, nizotra ampilaminana ny fifidianana.