Archives quotidiennes: 21 juillet 2020

Saron’ny  Zandaramarim-pirenena avy eo anivon’ny brigade Andranomadio tao  Antsirabe  ireo olona 03 mpisoloky  milaza fa mahavita  manamboatra vola tena izy.

Tsy hanamora ny fiatrehana ny Covid-19 ny drafitra marolafy na ny Plan Multisectorielle d’Urgence ho entin’ny fanjakana ho an’ny mpisehatra amin’ny Fizahantany, hoy ny Confédération du Tourisme de Madagascar. Raha ny 99 % n’ny mpiasa amin’ny fizahantany no efa very asa vokatry ny Covid-19 ankehitriny, 10 % n’ny mpiasa no voalaza fa hisitraka ny fanampiana raha ny voarakitra anatin’ny drafitra marolafy.  

Namoaka didimpanjakana ny prefektiora ao Toamasina omaly, nampitsahatra amin’ny fomba ôfisialy ny “quarantaine” ao amin’ny Ozinina Ambatovy. Mizotra miandalana ny fialana amin’ny fihibohana ao an-toerana izay efa nanomboka omaly ihany ary vinavinaina hotanterahina ao anatin’ny 7 herinandro ny dingana rehetra. 

Mitaraina ireo mponina ao amin’ny tanànan’Ambatondrazaka ankehitriny vokatry ny tsy fisihan’ny fahandriam-pahelamana any an-toerana. Mifanesy ary matetim-piseho ny fanafihana mitambasy any amin’izy ireo ary miafara amin’ny famonoana olona matetika izany. 

Manjaka tanteraka any Maintirano amin’izao fotoana izao ny sakan-dalana ataon’ireo jiolahy. Mpitondra moto hamonjy ny kariera ao Ampizy kaominina Belitsaky Distrikan’i Maintirano no voa-tafikiny  dahalo miisa 08  lahy ny faran’ny herinandro lasa te. Lasa tamin’izany ny vola miaraka amin’ny entana maromaro. 

Fotoana iray tokony hifanomezan-tanana amin’ny fiaraha-mientana manoloana ny ady atao amin’ny fiparitahan’ny valan’aretina Coronavirus ny vanim-potoanana iainantsika izao raha ny nambaran’ny filoha lefitry ny CFM androany. Tokony hanova fomba fijery sy fomba fanao ireo mpanao Politika.